Komisioni për Legjislacion ka mbajtur mbledhjen e radhës, në të cilën është diskutuar për Projektligjin për Byronë Shtetërore për Verifikimin dhe Konfiskimin e Pasurisë së Pajustifikueshme.
Gjatë diskutimeve, deputeti Përparim Gruda nga Partia Demokratike e Kosovës ngriti shqetësime lidhur me mungesën e konsultimit publik për këtë projektligj.
Ai, duke iu drejtuar ministres së Drejtësisë, Donika Gërvalla, pyeti pse nuk është zhvilluar konsultimi publik, duke theksuar se një procedurë e tillë është e obligueshme me ligj, , transmeton IndeksOnline.
“Pse është vlerësuar që të mos ketë konsultim publik, kur dihet që ligjërisht është i detyrueshëm?”, ishte një nga pyetjet e ngritura në komision.
Nga ana tjetër, u theksua se projektligji nuk ka pësuar ndryshime nga versioni i mëparshëm. Sipas deklarimeve, ligji ka kaluar në Kuvendi i Kosovës në të njëjtën formë që është aktualisht, ndërsa këtë herë është premtuar se do të respektohen të gjitha çështjet procedurale të theksuara nga gjykata.
