Vjosa Osmani pritet t’i bashkohet së shpejti LDK-së.
Këtë e ka konfirmuar për Gazeta Blic, anëtari i kryesisë së kësaj partie, Alban Zogaj.
Ai tha se ka shumë njerëz që i janë ofruar partisë për platformën e tyre.
“Ka biseda serioze për këtë iniciativë tonën. I kemi ftuar të gjithë të bashkohen rreth platformës së djathtë të LDK-së. Shumë persona e grupe politike janë ofruar dhe në ditët në vazhdim do t’i bëjmë të gjitha këto publike”, është shprehur ai.
Ai ka thënë se me Osmanin është një nga bisedat kyçe.
“Një prej bisedave kyçe janë me presidenten Vjosa Osmani dhe së shpejti do t’i bëjmë publike rezultatet e këtyre bisedave”, ka potencuar Zogaj për Gazeta Blic.
Sipas tij, LDK do të ketë ngritje edhe me Vjosa Osmanin pjesë të saj në zgjedhje.
“Patjetër që LDK do të ketë ngritje. Edhe në bazë të krejt sondazheve është në numrat më të mirë të mundshëm, kur i shtohet fakti kësaj edhe se mund të na bashkohet presidentja Vjosa Osmani, besoj fuqishëm se LDK do të jetë befasia e këndshme e zgjedhjeve”, ka deklaruar Alban Zogaj.
