Ish-kandidati për deputet i PDK’së, Visar Korenica, ka reaguar pas raportimit të Insajderi lidhur me “Kosmonte Foods”, kompanisë së multimilionerit Lulzim Begaj, të cilës iu gjetën baktere të rrezikshme në produktin e peshkut. “Kosmonte Foods” ishte shpallur investitor strategjik nga Qeveria Kurti.
Korenica me anë të një shkrimi në ‘Facebook’ ka deklaruar se, sipas burimeve të tij, zyrtarë të lartë shtetërorë kanë tentuar të ndikojnë që të dhënat për bakteriet e rrezikshme të mos dalin në publik, shkruan Insajderi.
“Lere qe mezi jane dhene detajet per gjetjetet nga AVUK, edhe ato me shume presioni per ti mbajtur te fshehura, sipas burimeve te mia, zyrtare te larte shteterore madje i kane ndihmuar kesaj kompanie qe te mos dalin faktet ne publik. Per me teper, dyshohet qe edhe mishi i pules qe paketohet ne Bosnje, eshte me origjine nga Serbia. Pra mos u cuditni qe kjo te del e verteta”, ka shkruar Korenica.
Sipas Korenicës, nga kjo kompani janë donatorë të Lëvizjes Vetëvendosje. Korenica ka pretenduar edhe se familjarë zyrtarëve të lartë të kësaj partie janë të punësuar në “Kosmonte Foods”.
“Ish ministrja Hajdari, qe la nam ne kete ministri me Rezerva te vjedhura, eshte mire me dale me tregu sakte per presionin e madh qe ka pas per ta bere investitor strategjik”, ka thënë më tej Korenica.
“Buka e popullit ka me ju vra, bre hajna tipik, e super kriminela”, përmbyll shkrimin ai.
