Sot është mbajtur seanca për caktimin e masës së paraburgimit për tre zyrtarë policor të arrestuar dje nën dyshimin për për keqpërdorim të pozitës apo autoritetit zyrtar, shkelje të fshehtësisë së procedurës dhe marrje të deklaratave me anë të shtrëngimit.
Veriu.info mëson së Gjykata i ka liruar zyrtarët policor Alfred Ismajli, Artan Shala dhe Bion Beqiri në procedurë të rregullt, duke mos miratuar kërkesën për caktimin e masës së paraburgimit prej 30 ditësh.
Tre të pandehurve u është caktuara masa e ndalimit për t’iu ofruar vendimit apo personit të caktuar, me çka Alfred Ismajli, Artan Shala dhe Bion Beqiri obligohen që në largësinë prej 100 metra të mos i ofrohen vendeve të punësm përveç ditëve kur duhet të lajmërohen.
Veriu.info ka parë aktvendimin e gjykatës, ku thuhet se të tre zyrtarët policor të pandehur janë të obliguar të paraqiten çdo të hënë në ora 09:00 në Stacionin Policor Qendra në Prishtinë.
Ndryshe, sipas dosjes së prokurorisë, Alfred Ismajli dyshohet se, nga data 12 mars 2024 deri më 21 janar 2026, ka keqpërdorur detyrën zyrtare duke bashkëpunuar me të dyshuarin Mihajlo Milovanoviç për t’i ndihmuar në tjetërsimin e parcelës kadastrale nr. 1662-0, me sipërfaqe 5,976 m², përmes dokumenteve të falsifikuara dhe bartjen e saj tek Zeljko Jagodiç.
Bion Beqiri dyshohet se, në cilësinë e hetuesit, ka keqpërdorur detyrën dhe autorizimet zyrtare duke vepruar në bashkëpunim dhe nën udhëzimet e Alfred Ismajli në trajtimin e një rasti që lidhet me parcelën kadastrale nr. 1662-0 me sipërfaqe 5,976 m².
Artan Shala dyshohet se ka keqpërdorur detyrën dhe tejkaluar kompetencat zyrtare duke bashkëpunuar me persona të tjerë për sigurimin e certifikatave të pronave publike, të cilat më pas dyshohet se përdoreshin nga Mihajlo Milovanoviç për falsifikim dokumentesh, me qëllim që pronat të paraqiteshin si të rregullta dhe të shiteshin për përfitime të kundërligjshme.
(Pas pak e publikojmë aktvendimin e plotë)
