Një video e publikuar nga influencuesja Emma Kate Willman në Instagram është kthyer në fenomen viral, pasi përdoruesit vunë re një detaj që nuk kaloi pa u komentuar.
Ndonëse klipi dukej krejt i zakonshëm dhe tregonte mënyrën se si realizohet një gërshet francez, vëmendja e ndjekësve nuk u përqendrua te modeli i flokëve.
Në vend të kësaj, komentet u mbushën me krahasime mes saj dhe futbollistit norvegjez Erling Haaland. Shumë prej tyre thanë se ajo i ngjante në mënyrë të pazakontë, duke përmendur flokët bjonde, tiparet e fytyrës dhe mimikën.
Këto krahasime morën përmasa të mëdha në rrjetet sociale, saqë në fund historia mbërriti edhe te vetë futbollisti.
Klipi ka grumbulluar më shumë se 27 milionë shikime dhe Haaland është bërë pjesë e kësaj ngjarjeje virale.
Erling Haaland njihet si një prej figurave më të spikatura të futbollit botëror, por këtë herë emri i tij nuk mori vëmendje për gola apo ndeshje, por për një ngjashmëri që bëri xhiron e internetit.
Sipas Klankosova.tv, interneti ka gjetur atë që po e quan “versionin femëror” të tij.
