Një incident i rëndë ka ndodhur sot në fshatin Pantinë ku një qytetar ka gjuajtur me armë në ajër pasi punëtorët e KRU Mitrovica ia kanë shkyçur ujin.
Gazeta Online Veriu.info nga burimet e saj ka mësuar detaje ekskluzive të ngjarjes, ku rasti ka ndodhur pas shkyçjes nga sistemi i ujësjellësit pasi i njëjti nuk kishte paguar borxhin prej 1000 euro edhe pas shumë vërejtjeve.
Sipas burimeve bëhet fjalë për personin me inicialet I. Sh., i cili iu dalë në rrugë punëtorëve dhe ka gjuajtur me armë në ajër duke thënë “Kush jeni ju me ma kput ujin”.
Pas rastit policia ka dalë bë vend të ngjarjes dhe ka bastisur shtëpinë e personit të dyshuar por nuk e ka gjetur të njëjtin aty./Veriu.info/
