Përmes një postimi në Facebook, Halimi tha se demokracia nuk matet nga mungesa e dallimeve, por nga mënyra se si ato shndërrohen në vendimmarrje të përbashkët.
“Demokracia nuk matet nga mungesa e dallimeve, por nga mënyra se si ato shndërrohen në vendimmarrje të përbashkët. Mbrëmë, përmes një procesi të qetë dhe demokratik, delegatët e LDK-së rikonfirmuan besimin për vazhdimin e mandatit të Lumir Abdixhiku në krye të partisë”, ka shkruar Halimi.
Ajo theksoi se pluralizmi i mendimeve nuk e dobëson një organizatë politike, por e fuqizon atë kur respektohet dhe adresohet përmes rregullave demokratike.
“Pluralizmi i mendimeve nuk e dobëson një organizatë politike, përkundrazi, kur respektohet dhe adresohen përmes rregullave demokratike, ai e fuqizon atë.
Prandaj, pavarësisht dallimeve në qëndrime, LDK dëshmoi edhe një herë se demokracia e brendshme nuk është vetëm parim i shpallur, por kulturë politike që ndërton besim dhe legjitimitet”, ka shkruar Halimi.
