Marokeni Ayoub El Abyad, 16 vjeç, i tha Reuters-it se po shikonte video në Instagram që tregonin migrantë duke kaluar në enklavë, kur ai dhe kushëriri i tij vendosën të provonin – pavarësisht se ndodheshin 12 orë larg me makinë nga kufiri, raporton SkyNews.
“Migrimi ka të bëjë me përmirësimin e jetës sonë. Ne ramë dakord se do të provonim të kalonim dhe t’i besonim Allahut”, tha El Abyad.
Ai dhe kushëriri i tij morën udhëtime me dy shoferë të ndryshëm, por nuk arritën të hynin në qytet.
Dounia Kherradi, një kameriere nga Lqliaa, zonë që vitin e kaluar ishte qendër e protestave për shkak të shërbimeve të dobëta publike dhe varfërisë së madhe, tha:
“Erdha këtu për të kërkuar një të ardhme më të mirë.
Paga ime nuk mjafton për t’u kujdesur për prindërit e mi dhe kam edhe një vajzë… Zoti na ndihmoftë.”
