Ministria e Mjedisit dhe Planifikimit Hapësinor ka dhënë kontratë për zhvillimin, mirëmbajtjen dhe hostimin e ueb-faqes së Agjencisë për Mbrojtjen e Mjedisit të Kosovës (AMMK).
Sipas njoftimit për dhënien e kontratës, kontrata është dhënë më 30 korrik 2026, ndërsa nënshkrimi i saj ishte planifikuar për 31 korrik 2026. Vlera e kontratës është 9,880 euro.
Kontrata është fituar nga Grupi i Operatorëve Ekonomikë “Digibrain SH.P.K.” dhe “Global CT Digital Kosovo SH.P.K.”,
Përshkrimi i kontratës është: “Zhvillimi i Web Faqes së AMMK-së dhe mirëmbajtja e hostimi i Web Faqes së IHMK-së”.
Ky tender vjen në një periudhë kur IHMK-ja është përballur me kritika të shumta për pasaktësitë në parashikimet e motit, veçanërisht gjatë rasteve të reshjeve intensive dhe motit ekstrem, kur parashikimet zyrtare janë kundërshtuar nga zhvillimet reale në terren dhe kanë nxitur reagime të qytetarëve në rrjetet sociale.
