Kryetari i Aleancës, Ardian Gjini, pas ftesës për vazhdimin e seancës konstituive nesër, ka thënë se sonte, Kosovën janë duke e parë me dhimbje qytetarët dhe miqtë e vendit, ndërsa me gëzim e shohin armiqtë.
Gjini, ka kritikuar liderin e VV’së, Albin Kurtin, duke thënë se ky i fundit po ‘’ia qet faqen e zezë’’ vendit tonë.
‘’ Po e fut në një rrugë të rrezikshme, në drejtim shkatërrues. Ke për t’u gjykuar rëndë për këtë fatkeqësi që po gatuan’’, ka shkruar Gjini mes tjerash.
Postimi:
Sonte Kosovën e shohin me dhimbje qytetarët dhe miqtë tanë!
Sonte Kosovën e shohin me gëzim të gjithë armiqtë.
Albin Kurti, ti po ia qet faqen e zezë vendit tonë. Po e fut në një rrugë të rrezikshme, në drejtim shkatërrues. Ke për t’u gjykuar rëndë për këtë fatkeqësi që po gatuan.
Kosova jonë ka me u forcu, e me u rrit, pa ty. Përkundër dëmit që po ia shkakton.
Ndërsa edhe ata që të ndjekin qorrazi, njëjtë do të përfundojnë.
