Ish deputetja e LDK-së, Rrezarta Krasniqi ka reaguar pas përplasjeve fizike që ndodhi sot në Kuvend, transmeton Gazeta Online Veriu.info.
Krasniqi ka thënë se ndihet e turpëruar nga partia e LDK-së që po rri e heshtur.
“Jam thellësisht e turpëruar që partia ime, partia që skicoi vetë idenë e shtetit të Kosovës, sot rri e heshtur, e pa zë, e pa ide – derisa do të duhej ta ballafaqonte këtë pushtet, që jo veç mes partive politike, por ka mbjellur përçarje mbase të pashërueshme në krejt popullin” ka thënë Krasniqi.
Postimi i plotë:
Lumir e Vjosa, ku jeni sot?
Jam thellësisht e turpëruar që partia ime, partia që skicoi vetë idenë e shtetit të Kosovës, sot rri e heshtur, e pa zë, e pa ide – derisa do të duhej ta ballafaqonte këtë pushtet, që jo veç mes partive politike, por ka mbjellur përçarje mbase të pashërueshme në krejt popullin.
Çfarë duhet të mendojë sot votuesi i LDK-së? Kush e përfaqëson atë sot?
Ku është zëri i votuesit të LDK-së sot?
Në Kuvend jo, në rrugë jo, askund.
Si u bë kështu që partia protagoniste e secilit proces të rëndësishëm të shtetit, sot të jetë një parti e strukur e hedhur diku në margjina.
E pafalshme, ofenduese është kjo.
Nuk do ta besoja kurrë që atë që provuan t’ia bëjnë armiqtë LDK-së dikur, sot po realizohet nga ata që do të duhej ta mbronin.
