Deputeti i zgjedhur i LDK’së, Armend Zemaj, mbrëmë në një intervistë në Pressing është pyetur edhe rreth mundësisë që Lumir Abdixhiku e Vjosa Osmani të shkojnë drejt një koalicioni me LVV-në e Kurtit, në rast të shkuarjes në zgjedhje të reja.
Sipas profesorit dhe panelistit të rregullt të Pressing, Blerim Latifi, ngjarjet që po ndodhin aktualisht në LDK, japin sinjale për një rrugë të tillë që do ta ndjekin Abdixhiku e Osmani.
“A mund t’iu shohim juve si kandidat për deputet në nja koalicion parazgjedhor LDK-VV. Sepse sirenat po bijnë drejt atij koalicioni”, ka thënë Latifi.
“Për besë, unë kam pasur angazhim viteve të fundit, ku mu kanë prekur këto tema, edhe s’kam qenë një prej atyre eksplicit, më së paku, kryetarit i kam thënë mos e lidh asnjë situatë me mua. S’jam unë pengesë, as s’bëhem pengesë. Unë s’mund të flas diçka në këtë fazë. Kurti nuk e respekton askënd, do t’i kisha preferu që të qëndronte larg tij. Perosnalisht jam i lidhur me këto tri shkronja. Kam ditë me qenë konkret, kur ishte krijuar LAN-i, pa VLAN. Unë e kam shkru, Armend Zemaj- LDK, sepse unë i kam vetëm tri shkronja. Këto tri shkronja nuk mendoj që e durojnë qëto. Por nëse ka, ulemi bisedojmë se cili është interesi politik e i strukturave të LDK’së. Ku preket pjesa programore. Qeta që besojnë se Kurti është komunist, a mundesh t’i me i shti në radhë me ndihmu për fitoren e LDK’së. Këto janë tema që vijnë në diskutime”, ka thënë Zemaj.
