Deputeti i Kuvendit të Kosovës nga radhët e PDK-së, Bekim Haxhiu, ka kritikuar ashpër qeverinë e Kosovës për papërgjegjësi institucionale lidhur me kërkesat e mësimdhënësve, raporton Gazeta Online Veriu.info.
Ai ka thënë se është papërgjegjësi që edhe pas 2 jave greve e 1 jave mosfillim i mësimit të rregullt, qeveria nuk takon sindikatën e arsimit për të zgjidhur kërkesat e tyre.
“ Çfarë pune me të rëndësishme ka Qeveria e Albin Kurti sot se sa të zgjidh problemin e grevës?!” – shkruan ndër të tjera Haxhiu.
Postimi i plotë:
Vazhdon papërgjegjësia institucionale e Qeverisë Kurti për zgjidhjen e kërkesave të mësimdhënsve, respektivisht për fillim normal të vitit shkollor.
Dy javë grevë , një javë humbje mësimi dhe asnjë takim i Qeverisë, përgjegjësve institucional për të diskutuar e zgjidhur kërkesat e mësimdhënsve.
Çfarë pune me të rëndësishme ka Qeveria e Albin Kurti sot se sa të zgjidh problemin e grevës?!
Kthjellnu o njerëz se në qeverisje jeni për të menaxhuar dhe zgjidhur problemet e qytetarëve e jo për të shafqur kapriciot dhe egot personale.
Greva sot është problemi më i madh në Kosovë.
Paaftësisa e Qeverisë për të dialoguar me mësimdhënësit po i lë pa mësim nxënësit.
Paaftësia e Qeverisë për të dialoguar me mësimdhënësit po shkakton dëshpërim dhe pasiguri të nxënësit.
Qeverita Kurti diskuton e angazhohet si ta thyejnë grevën e jo si të zgjidhin kërkesat e mësimdhënsve.
Kërcënojnë dhe shantazhojnë kryetarët e komunave, mësimdhënesit dhe qytetarët për ta thyer Grevën e nuk gjejnë kohë të takohen me Sindikatat për t’i zgjidhur kërkesat e tyre.
Kjo është papërgjegjësi dhe paaftësi instituacionale e Qeverisë Kurti.
