Kryetarja e Kuvendit, Albulena Haxhiu, është pyetur nga gazetarët për mosreagimin e ministres në detyrë të Drejtësisë, Donika Gërvalla, lidhur me dënimin prej 81 vjetësh burgim ndaj ish-krerëve të Ushtrisë Çlirimtare të Kosovës.
Haxhiu ka thënë se Gërvalla ka folur disa herë për këtë çështje dhe se nuk mund të shtojë më shumë se deklaratat e saj të mëparshme.
“Sa i përket zonjës Gërvalla, ju e dini që ajo ka folur disa herë për këtë çështje, prandaj nuk mund të shtojë më shumë sesa kam folur më herët”, ka deklaruar Haxhiu para gazetarëve.
Ish-presidenti Hashim Thaçi, ish-kryetari i Kuvendit Kadri Veseli, ish-deputeti Rexhep Selimi dhe ish-kryetari i PDK-së, Jakup Krasniqi, janë dënuar nga Gjykata Speciale në Hagë me gjithsej 81 vjet burgim.
