Agjencia e Ushqimit dhe Veterinarisë gjatë inspektimit në kompaninë Elkos ka gjetur prani në myjut në produktin kofshë pulë të ngrirë të markës Sandersin Farms me origjinë nga SHBA, raporton Gazeta Online Veriu.info.
AUV ka urdhëruar tërheqjen nga tregu dhe asgjësimin e 3 mijë e 130 kg mish ouke Sanderson Farms.
Agjencia ka urdhëruar ndalimin e menjëhershëm të shitjes, tërheqjen nga tregu dhe asgjësimin e 3,130 kilogramëve (313 pako), nën mbikëqyrjen e Inspektoratit Veterinar.
AUV u bën thirrje konsumatorëve që kanë blerë produktin Sanderson Farms, LOT 53110, të mos e konsumojnë dhe ta kthejnë në pikën e shitjes ku është blerë.Në përputhje me nenet 21, 22 dhe 23 të Ligjit për Ushqim, operatori është përgjegjës për gjurmueshmërinë, tërheqjen e produktit nga tregu dhe informimin e konsumatorëve.
Njoftimi i plotë:
Prishtinë, 30 tetor 2026
AUV urdhëron tërheqjen nga tregu dhe asgjësimin e 3,130 kg mish pule të markës Sanderson Farms
– Agjencia e Ushqimit dhe Veterinarisë (AUV), gjatë inspektimeve zyrtare në kompaninë Elkos Group SHPK, ka konstatuar praninë e mykut në produktin kofsha pule të ngrira, të markës Sanderson Farms, me origjinë nga Shtetet e Bashkuara të Amerikës (SHBA).
Produkti është vlerësuar i papërshtatshëm për konsum njerëzor, në përputhje me nenet 15 dhe 16 të Ligjit Nr. 08/L-120 për Ushqim, të cilat ndalojnë vendosjen në treg të ushqimit jo të sigurt, përfshirë produktet e prishura apo të papërshtatshme për konsum.
AUV ka urdhëruar ndalimin e menjëhershëm të shitjes, tërheqjen nga tregu dhe asgjësimin e 3,130 kilogramëve (313 pako), nën mbikëqyrjen e Inspektoratit Veterinar.
Të dhënat identifikuese të produktit
Përshkrimi Të dhënat
Produkti Kofsha pule të ngrira
Marka Sanderson Farms
Origjina SHBA
Operatori Elkos Group SHPK
Numri i LOT-it 53110
Paketimi 10 kg
Sasia e përfshirë në masë 3,130 kg (313 pako)
Mospërputhja Prani e mykut
Masa Tërheqje nga tregu dhe asgjësim
AUV u bën thirrje konsumatorëve që kanë blerë produktin Sanderson Farms, LOT 53110, të mos e konsumojnë dhe ta kthejnë në pikën e shitjes ku është blerë.Në përputhje me nenet 21, 22 dhe 23 të Ligjit për Ushqim, operatori është përgjegjës për gjurmueshmërinë, tërheqjen e produktit nga tregu dhe informimin e konsumatorëve.
AUV do të vazhdojë kontrollet zyrtare, përfshirë verifikimin e tërheqjes së plotë të produktit, kontrollin e dokumentacionit të importit, origjinës, etiketimit, afatit të përdorimit dhe zinxhirit të ftohjes, si dhe mbikëqyrjen e asgjësimit. Në rast të konstatimit të shkeljeve të tjera, do të ndërmerren masa sipas legjislacionit në fuqi.
