Shefi i grupit parlamentar i PDK-së, Abelard Tahiri, pas mbledhjes së kryesisë së Kuvendit thaeksoi se kryeministri Albin Kurti, është përgjegjësi direkt i situatës së shkaktuar në arsim.
Ai i bëri thirrje kryeministrit dhe ministres së Arsimit, Arbërie Nagavcit, të gjejnë urgjentisht një zgjidhje me sindikatat.
“Po hyjmë në javën e katërt që mësimi në Kosovë nuk po mbahet. Janë rreth 320 mijë nxënës të cilët nuk po e vijojnë mësimin, rreth 30 mijë mësimdhënës të cilët s’po e vazhdojnë punën e tyre. Kjo është e papranueshme dhe është e papranueshme kryeneçësia e Kurtit i cili është përgjegjës direkt për këtë situatë e cila është shkaktuar në arsim”, tha Tahiri.
Shefi i grupit parlamentar të PDK-së theksoi se dëm i madh që po i shkaktohet mbi të gjitha të ardhmes së Kosovës. Humbja e mijëra orëve të mësimit dhe mosshqetësimi fare i qeverisë është e paprecedentë. I bëjmë thirrje urgjente Kurtit dhe Nagavcit të ulen me sindikatat dhe të gjejnë zgjidhje.
