Sa herë që përmenden lëvizjet politike nga një parti në tjetrën dhe ndërrimin e aleatëve gjatë rrugëtimit politik, është e pamundur të mos përmendet deputetja e Kuvendit të Kosovës, dhe shefja e grupit parlamentar të Vetëvendosjes, Mimoza Kusari Lila, shkruan Gazeta Online Veriu.info.
Mimoza Kusari Lila del të jetë nga politikanët e rrallë në këtë vend që ka shëtitur pothuajse në secilin kamp politik.
Kusari Lila ishte nënkryetare e AKR-së së Behgjet Pacollit, zëvendëskryeministre e ministre, në fund kryetare e komunës së Gajkovës me këtë parti, raporton Veriu.info.
Pikërisht gjatë kohës që shërbeu në qeverinë Thaçi 2 Kusari Lila kritikohej ashpër nga tani partia në pushtet, që e akuzonte atë dhe PDK-në për procesin e privatizimit.
Madje në një aktivitet të 2012 Kusari Lilës i ishin vendosur postera nëpër Prishtinë nga Vetëvendosje me pyetjen kush do të bëhet milioner nga privatizimi, raporton Veriu.info.
Madje VV atë kohë shefen e tanishme të grupit parlamentar të partisë, Mimoza Kusari Lilën, e kishte futur në grup me Hashim Thaçin, Besim Beqajn dhe Adem Grabovcin.
Kur AKR kishte filluar rënien, Kusari Lila e braktisi atë duke krijuar Alternativën si parti politike edhepse kurrë nuk pati guximin të marrë pjesë në zgjedhje si parti e vetme.
Fillimisht Kusari Lila u bë pjesë e Kuvendit përmes LDK-së së Isa Mustafës e së fundit përmes VV-së, e cila e shpërbleu me pozitën e shefes së grupit parlamentar.
Së fundi Mimoza Kusari Lila humbi zgjedhjet në Gjakovë si kandidate e Vetëvendosjes, përballë Ardian Gjinit të AAK-së.
Korrupsioni e procesi i privatizimit, bashkëpunimi me PDK-në e LDK-në, “u zhdukën” brenda natës duke u harruar nga Vetëvendosje e cila e shpërbleu sërish me një post të rëndësishëm, raporton Gazeta Online Veriu.info.
Shihni fotot në poshtë👇
