Kompania ndërtimore “Ari Company” ka vazhduar me ndërtimin në rrugën “Nexhip Dragaj” në qendër të Mitrovicës pa u pajisur me leje ndërtimore.
Këtë e ka konfirmuar edhe vet drejtori i Urbanizmit, Edison Tërnava, i cili për Veriu.info ka thënë se kjo kompani është duke i kryer procedurat për t’u pajisur me leje ndërtimore.
“Kompania është duke i kryer procedurat finale për t’u pajisur me leje finale” – ka thënë Tërnava.
Por duket se kjo kompani nuk ka pritur fare përfundimin e procedurave për leje dhe ka rifillur punimet.
Veriu.info ka drejtuar pyetje edhe në adresë të drejtorit të Inspekcionit, Valon Brahimi, por ende nuk ka marrë përgjigje dhe sapo ta ketë një të tillë do ta punlikojë.
Kujtojmë që kësaj kompanie para disa javësh iu ndëpren punimet pas raportimeve të Veriu.info se kjo kompani po ndërton pa leje.
Kujtojmë po ashtu se Gazeta Online Veriu.info ka dërguar pyetje në adresë të drejtorit të Urbanizmit, Edison Tërnava, qysh më 1 shtator nëse ka leje kjo kompani por i njëjti nuk pati kthyer përgjigje.
