Nedim Vlora, nipi i Ismail Qemal Vlorës zbuloi në emisionin Good Morning Albanians, se Ismail Qemali ka qenë mason, siç është edhe ai vetë.
Vlora shpjegoi se të qenit mason është një fakt që ai nuk tenton ta fshehë, pasi siç shpjegoi objektivat e masonerisë janë ato të humanitetit, edhe pse duke qenë grup njerëzor, si të kudo dikush mund të devijojë duke tradhtuar këto objektiva dhe qëllime
“Ka një historia ë anglez që thotë se Ismail Qemali kishte miq nga Bagdadi në Skoci që ishin masonë. Edhe disa fotografi të fëmijëve kanë shenja të qartë që janë shenja masone. Edhe unë vetë jam mason. Nuk e shoh këtë sekret të prezumuar si problem. Është një grup personash që tentojnë ta përmirësojnë situatën shoqërore, politike. Mendohet se ishte i llozhës së progresit e Stambollit, ku ishin të regjistruar edhe sulltani dhe elita administrative e perandorisë, ka shumë gjasa të jetë kjo. Por disa vëllezër masonë po përpiqen ta identifikojnë saktësisht cila llozhë. Nuk është kaq e rëndësishme të dimë cila ishte saktësisht llozha”, u shpreh nipi i Ismai Qemalit.
“Rasti m’u dha nga vëllezërit masonë në Shqipëri, të cilëve iu tregova arkivin tim me 5-6 volume dokumentesh. Më duhet të falënderoj edhe kryeministrin për ndjeshmërinë. Do të doja t’i sillja të gjitha dokumentet në Shqipëri, por do të doja të kisha në vend ku t’i depozitoj dhe ku historianët të kenë mundësi t’i shohin. Në një zarf ishte shkruar një adresë, që tregonte një rezidencë të Ismail Qemalit në Napoli. Qoftë edhe me anë të zarfeve është e mundur të ndjekim rrugëtimin e tij. Jam i kënaqur pasi libri i ka dhënë jetë qindra personazheve të lënë në harresë. Ishte e lodhshme të lidhje një periudhë të 1400 me më pas, kur u ndërrua feja”, tregoi Nedim Vlora.
