Në emisionin “Politiko”, anëtari i PDK-së, Përparim Gruda ka folur rreth zhdukjes së provave të rastit Dehari.
Gruda ka thënë për aq kohë sa ministrja Haxhiu është në detyrë nuk i beson hetimeve. Por ai ka përmendur edhe disa hipoteza duke thënë se çfarë nëse vetë ministrja i ka zhdukur provat?
“Duhet të jap dorëheqje sepse ky rast i zhdukjes së provova duhet të hetohet deri në fund. Nuk mundet të hetohet përderisa ajo është në detyrë, ndërkohë që ngjarja ka ndodhur në kohën e saj sepse nuk ka pavarësi në hetim. Asnjë rezultat i këtij hetimi nuk e bind askënd. Unë nuk i besoj asnjë rezultati të këtij hetimi përderisa ajo është ministre, nuk e kam asgjë personale. Kjo ministre e drejtësisë sa është aty nuk ka hetime të pavarura. Sepse në opinion ngrihen edhe hipoteza të tjera. Çfarë thoni ju për hipotezën që e dëgjova që e tha dikush se mund t’i ketë zhdukur vet më qëllim ministrja. Por çfarë nëse ministrja i ka zhdukur vet provat? Njerëzit kanë të drejtë të ngrehin këto pyetje. Për sa kohë është ajo ministre është pengim në hetime.”, ka deklaruar Gruda.
Tutje, Gruda edhe gjatë ditës së sotme ka mbajtur konferencë ku ka kërkuar dorëheqjen e ministres./Gazeta10
