Akitivistja Liridona Sijarina ka kërkuar hetim nga Policia e Prokuroria e Kosovës lidhur me sulmet seksuale të anëtarëve të Vetëvendosjes e PSD-së ndaj disa të miturave.
Sijarina reagoi pasi tiktokerja, Hana Blakçori publikoi një ‘podcast’ ku rrëfeu për një organizim të Lëvizjes Vetëvendosje të bërë para disa vitesh në Liqenin e Badovcit, atje ku sipas saj ndodhen krime seksuale ndaj të miturave.
“Ne qit podcast, prej minutes 9:20, autorja prej pervojes se saj rrefen per krimet seksuale ndaj te miturave nga anetare te VV-se dhe tashme disa prej tyne ne PSD. Pertej perjetimit te saj personal, ajo tregon qe sulmet seksuale dhe shfrytezimi seksual nuk kane qene raste te izolume po nji rrjet i shfrytezimit te vajzave te mituna nga burra te moshes madhore” – shkroi Sijarina.
Ajo ndër tjerash shtoi se ky rrëfim duhet të hetohet nga Policia dhe Prokuroria.
Ky rrefim do duhej me u hetu prej Policise e Prokurorise se Kosoves.
Çfarë kishte rrëfyer Hana në podcastin e saj?
Ajo tregoi për një organizim të Lëvizjes Vetëvendosje të bërë para disa vitesh në Liqenin e Badovcit, ku aktivisti burrë i kësaj partie do të sulmonte seksualisht Hanën, që atëherë thotë se i kishte 16 vjet.
“Kur jam kanë në shkollë të mesme kam qenë aktiviste në Lëvizjen Vetvendosje. Ju e dini që ‘I love Albini”, por aktivistat që janë mbrenda nuk i zgjedh. Du me thonë që shumica janë në PSD dhe në VV.
“Patëm shku në Badovc për një kamping edhe patëm shku, edhe kena pi e sene. Kah fundi ja nisi m’u bo terr, edhe i patën shtru ata do qebe a ku di unë, edhe pata nevojë me u shtri. Kur jam shtri e kam pas një çikë anash, dhe një burrë rreth të 30-ve. Jam kanë mes tyre dhe kam qenë me fytyrë kah ajo çika. Dhe veç e kam ndi një dorë t’u më prek b****n edhe menjëherë u pata çu edhe reagova. Edhe ai tipi pat bë që është fjet”, – kishte rrëfyer Hana në podcastin e saj./Insajder
