Nënkryetari i Lidhjes Demokratike të Kosovës, Lutfi Haziri ka thënë se gjendja në veri po kthehet në normalitet si rezultat i diplomacisë dhe durimit të partnerëve.
Haziri e ka akuzuar kryeministrin Albin Kurti dhe presidentin serb Aleksandar Vuçiq pasi sipas tij kanë shkaktuar kaos.
“Veriu i Kosovës nga jonormalja drejt normales për shkak diplomacisë dhe durimit. Vendimi nuk ishte as në dorën e Kurtit e as të Vuçiqit. Ata shkaktuan kaosin e inatit, por partnerët e popullit të Kosovës, me durim dhe diplomaci, filluan normalizimin deri në krizën tjetër që do ta prodhojnë prapë!”, ka shkruar Haziri.
Ai ka thënë se barrikadat, si mjete presioni, janë të papranueshme. “Dialogu zgjidh probleme!”, ka shkruar në fund ai.
