I dërguari i Posaçëm i Shteteve tw Bashkuara të Amerikës për Dialogun Kosovë-Serbi, Gabriel Escobar dhe ai i Bashkimit Evropian, Miroslav Lajçak, janë takuar sot.
Përmes një postimi në rrjetin social Twitter, Lajçak deklaroi se sot është takuar me emisarin Escobar për t’i planifikuar hapat e ardhshëm në Dialog.
“Planifikuam hapat e ardhshëm në Dialog bashkë me kolegun dhe mikun tim amerikan, DAS Escobar. Presim të vazhdojmë bashkëpunimin tonë të ngushtë në 2023tën”, tha Lajçak përmes një postimi në Twitter.
Kujtojmë se përgjatë muajit janar, është paralajmëruar se do të intensifikohen përpjekjet për të arritur marrëveshje mes Prishtinës dhe Beogradit.
Edhe vetë kryeministri Albin Kurti ka konfirmuar se gjatë këtij muaji pritet intensifikim në procesin e dialogut me Serbinë.
“Janari intensiv”, sipas Kurtit, do të rrjedhë me vizita në Kosovë të të gjithë emisarëve, ku pritet që dialogu të marrë një hov të ri për marrëveshje.
