Pas deklaratës së kryeministri Kurti në pesë vjetorin e vrasjes së politikanit serb, Oliver Ivanoviq, në rrjet vërshuan reagimet negative.
Shefi i ekzekutivit, Ivanoviqin e kishte quajtur person të përkushtuar ndaj komunitetit të tij dhe “i respektueshëm edhe ndaj atyre me të cilët nuk ishte dakord”.
Në profilin zyrtar në facebook të Qeverisë së Kosovës, ka reaguar edhe profesoresha dhe poetja Flora Peci të cilës grupi i Ivanoviqit ia kishte vrarë vëllain.
Veriu.info ka arritur të siguroj fotografi, ku shihet se ajo në vitin 2017 i ishte bashkuar Lëvizjes Vetëvendosje. Madje, lajmin për anëtarësimin e saj në VV e kishte dhënë ishte kryetari i VV në Mitrovicë, Faruk Mujka.
Veriu.info ju sjellë postimin e plotë të Faruk Mujkës:
Po ashtu Veriu.info mëson se ajo në zgjedhjet lokale të vitit 2017 ishte kandidate për asambliste në Kuvendin Komunal të Mitrovicës, duke marrë 37 vota, vetëm një më shumë se sa kandidatja më së paku e votuar, që oshte Nazan Kërveshi me 37 vota.
Ajo ka shkruar se Kurti me reagimin e tij ia ka përtirë plagët asaj.
Indinjatë e thellë mes komentuesish për madhërimin që Kurti i bëri Ivanoviqit
“Po shkruaj me lot në sy se na i përtërive plagët z.Kurti, po ndezni edhe qirinj për shpirt të tij të prehet në paqe pas krimeve që i bëri në popullin shqiptar”, ka shkruar ajo në postimin e Qeverisë.
Peci gjithashtu ka shkruajtur se e mallkon dorën dhe mendjen e saj që e votoi kryeministrin Kurti. Ajo shtoi se është e shokuar dhe plot emocione nga ato fjalë.
“E mallkoj dorën e mendjen time që ta dhashë votën, unë motra e të vrarit nga dora e zezë sllave me urdhër të këtij krimineli. Do të shkruaja ende, po nuk kam forcë se jam e shokuar dhe me plot emocione nga këto fjalë”, thuhet në komentin e saj.
Komenti i plotë:
