Kryeministri, Albin Kurti ka thënë se nuk është fajtor për ngecjen e procesit të dialogut Kosovë – Serbi.
“Tjetërkund ka ngecur puna jo te unë. Kur ka ardhur në shtator propozimi për herë të parë prita me pas takim por nuk patëm, madje as në tetor nuk ndodhi takimi. Ndërmjetsve ua kam thënë hapur që sa për mua takimi i 20 janarit të këtij viti ka mund të ndodhë me 20 shtator të vitit të kaluar”, ka deklaruar Kurti.
Kryeministri ka theksuar se ka pritur dinamikë më intensive sesa kjo që ka ndodhur.
Tutje, ai ka zbuluar se marrëveshja Kosovë-Serbi në planin franko-gjerman nuk thuhet se është finale por kontraktuale.
“Marrëveshje nuk thuhet që është finale por nuk është e vërtetë që nuk është kontraktuale. Pikërisht na konsiderojnë si palë kontraktuale”, është shprehur Kurti.
Sipas tij, integrimi në NATO është jetik dhe është më i rëndësishëm në këtë shekull sesa në shekullin e kaluar. /Insajderi
