Deputeti i PDK-së, Bekim Haxhiu sot në Komisionin Parlamentar për Shëndetësi dhe Mirëqenie Sociale ka adresuar disa pyetje për Ministrin e Shëndetësisë, Arben Vitia, raporton Veriu.info.
Gjatë pyetjeve të parashtruara, Haxhiu e ka pyetur Vitinë se s do t’i braktisesh sërish pacientët dhe stafin mjekësor për të kandiduar për kryetar të Komunës së Prishtinës?.
Postimi i plotë:
Pyetjet dhe shqetësimet që sot i kam ngritur në Komisionin Parlamentar për Shëndetësi dhe Mirëqenie Sociale, gjatë raportimit të Ministrit të Shëndetësisë z. Arben Vitia.
Z. Vitia, a do t’i braktisesh sërish pacientët dhe stafin mjekësor për të kandiduar për kryetar të Komunës së Prishtinës?
Si e vlerësoni punën e Përparim Ramës në qeverisje të Komunës se Prishtinës deri me tani?
Në opinionin publik është krijuar përshtypja se ju jeni duke e përdorur postin e ministrit të shëndetësisë si “trampolinë” për të kërcyer nga një pozitë në tjetrën, herë kandidat për kryetar herë në sektorin privat?!
Ju thatë se anti-korrupsioni është duke u marr me rastin tuaj të konfliktit të mundshëm të interesit,
unë kam ngritë dyshime se punësimi i juaj në kompaninë private “Olive’ mund te jetë në kundërshtim me LIGJIN Nr. 06/L -011 PËR PARANDALIMIN E KONFLIKTIT TË INTERESIT NË USHTRIMIN E FUNKSIONIT PUBLIK – Neni 18. Kufizimet e zyrtarit të lartë pas përfundimit të ushtrimit të detyrës publike:
Zyrtari i lartë nuk ka të drejtë:
1.1. Të punësohet ose të emërohet, për një periudhë deri në dy (2) vjet pas përfundimit të funksionit publik, në pozitë udhëheqëse ose menaxhuese, apo të përfshihet në kontrollin ose auditimin e institucioneve publike dhe private dhe institucioneve vartëse të tyre të cilat kanë marrëdhënie biznesi me institucionin ku ka ushtruar funksionin publik, nëse detyrat e tij gjatë periudhës dy-vjeçare para përfundimit të ushtrimit të funksionit publik kanë qenë drejtpërdrejtë të lidhura me mbikëqyrjen, kontrollin apo sanksionimin e aktivitetit të tyre;
1.2. Të përfshihet në marrëdhënie kontraktore, drejtpërdrejt ose nëpërmjet ndonjë personi të afërm ose të besuar, me institucionin ku ka ushtruar funksionin publik për një periudhë deri në dy (2) vjet pas përfundimit të funksionit publik;
A mund ta bëni publik vendimin e Agjencionit Anti Korrupsion për rastin tuaj?
A keni pas marrëdhënie kontraktuale me Olive?
Cila ka qenë pozita, përgjegjësia dhe sa ka qenë paga e juaj ne ‘Olive’, sepse ka pas disa raportime në media për një pagë të lartë tuajën në sektorin privat?
Në ‘Olive’ a keni qenë të punësuar vetëm ju apo edhe ndonjë familjar?
Unë pyetje për sektorin publik nuk do ju bëj, sepse asnjë nga premtimet tuaja në Programin për Shëndetësi nuk e keni realizuar deri më sot.
Nuk ka Strategji për Shëndetësi, nuk ka Ligj për Sigurimet Shëndetësore , nuk ka Ligj për Shëndetësi…etj.
Prandaj konsideroj se ju nuk përfaqësoni dhe as nuk i mbroni interesat e sektorit publik, ju jeni përfaqësues i sektorit privat?
Sektori publik po shkon çdo ditë drejt degradimit e përkeqësimit.
Skandale të njëpasnjëshme, abuzime, keqpërdorime e keqmenaxhim dhe askush nuk jep llogari, aferat korruptive në shëndetësi janë shndërruar në normalitet.
Auditori evidentoi mbi 12 milionë euro keqpërdorime në SHSKUK, dhe ju nuk keni guxim të propozoni shkarkimin e Bordit të SHSKUK-së.
Ndëshkohen vetëm ata që abuzojnë pak nga 200-300 euro e ata që keqpërdorin miliona euro mbrohen dhe shpërblehen me pozita me të larta nga Qeveria.
Në 10 vitet e fundit asnjëherë nuk ka pasë më shumë mungesa në furnizime me barna dhe paisje medicinale se sa në vitin 2022. Ndërsa SHSKUK-s i teprojnë 1.3 milionë euro nga buxheti i barnave.
Derisa ju po raportoni këtu, drejtori i kirurgjisë në QKUK z.Feka sapo ka dalë me informacion se mungojnë pajisjet për operim.Ai ka thënë ose duhet të ndërpriten intervenimet ose materiali të sigurohet nga pacientët?
Me çfarë note e vlerëson Bordin e SHSKUK-së, tani e 6 muaj pozita kyçe e drejtorit te SHSKUK-së mbahet me u.d. Eshtë emëruar një drejtoreshë politike që ka qenë drejtoreshë e Mytaher Haskukes ne Prizren,e keni anashkaluar profesionistët shëndetësorë të QKUK-së.
Bordi nuk e shpall konkursin për drejtor ekzekutiv sepse kështu ushtron ndikimin tek menaxhmenti.
Onkologjia ka mbetë pa udhëheqës, ndërsa Ministria e Shëndetësisë është shndërruar në drejtori të sektorit privat, duke e rrënuar sektorin publik.
Prandaj listat e pritjes po rriten në vazhdimësi dhe mjekët e profesionistët shëndetësorë po ikin jashtë vendit.
Ligji i Pagave bashkë me vlerën e koeficientit të përcaktuar nga Qeveria ka zhgënjyer dhe demotivuar profesionistët shëndetësorë në sektorin publik.
Vitin e kaluar kemi pasë mbi 1200 profesionist shëndetësorë që kanë ikur nga sektori publik.Me
ketë qasje këtë vit ikja do te jetë edhe më e lartë dhe nëse vazhdohet kështu sistemi shëndetësor publik do të kolapsoj. Pas miratimit të Ligjit të Pagave dhe vlerës se koeficientit mesatarisht kemi tre profesionistë shëndetësorë që në ditë kërkojnë certifikatat për të ikur nga Kosova.
Për agjendën legjislative më mirë as mos të diskutojmë, prioritet i Ministrisë së Shëndetësisë është miratimi i ligjeve dhe udhëzimeve administrative që kanë impakt në sektorin privat dhe jo në atë publik.
UDHËZIM ADMINISTRATIV NR. 10/2022 PËR LICENCIMIN E PROFESIONISTËVE SHËNDETËSORË TË HUAJ është bërë për sektorin privat, koha e argumentojë këtë, sipas publikimit ne media me 11 janar 2023, tre mjek nga Gjermania kanë filluar punën ne Spitalin Olive, ndërsa ne sektorin publik asnjë mjek nuk është kthyer.
Gjithashtu Projektligji për Shëndetin Riprodhues dhe Fertilizimin e Asistuar Mjekësor bëhet për t’i shërbyer bosave të sektorit privat.
Z. Vitia, apo na tregoni se si arritët që në sektorin privat për një periudhë të shkurtër në Spitalin Olive, të siguroni, të ofroni shërbime të mira shëndetësore , po citoj publikimin e Spitalit Olive:
Në 𝑡𝑟𝑎𝑗𝑡𝑖𝑚𝑖𝑡 𝑚𝑗𝑒𝑘𝑒̈𝑠𝑜𝑟 𝑑ℎ𝑒 𝑑𝑖𝑎𝑔𝑛𝑜𝑠𝑡𝑖𝑘𝑖𝑚𝑖𝑡 𝑛𝑒̈ 𝐾𝑜𝑠𝑜𝑣𝑒̈, 𝑝𝑒̈𝑟𝑓𝑠ℎ𝑖𝑟𝑒̈, 𝑔𝑗𝑖𝑛𝑒𝑘𝑜𝑙𝑜𝑔𝑗𝑖𝑛𝑒̈, 𝑝𝑒𝑑𝑖𝑎𝑡𝑟𝑖𝑛𝑒̈, 𝑘𝑖𝑟𝑢𝑟𝑔𝑗𝑖𝑛𝑒̈ 𝑒 𝑝𝑒̈𝑟𝑔𝑗𝑖𝑡ℎ𝑠ℎ𝑚𝑒, 𝑘𝑖𝑟𝑢𝑟𝑔𝑗𝑖𝑛𝑒̈ 𝑝𝑙𝑎𝑠𝑡𝑖𝑘𝑒, 𝑚𝑎𝑘𝑠𝑖𝑙𝑙𝑜𝑓𝑎𝑐𝑖𝑎𝑙𝑒 𝑑ℎ𝑒 𝑠𝑡𝑜𝑚𝑎𝑡𝑜𝑙𝑜𝑔𝑗𝑖, 𝑘𝑖𝑟𝑢𝑟𝑔𝑗𝑖𝑛𝑒̈ 𝑎𝑏𝑑𝑜𝑚𝑖𝑛𝑎𝑙𝑒, 𝑘𝑖𝑟𝑢𝑟𝑔𝑗𝑖𝑛𝑒̈ 𝑒 𝑓𝑒̈𝑚𝑖𝑗𝑒̈𝑣𝑒, 𝑜𝑟𝑡𝑜𝑝𝑒𝑑𝑖𝑛𝑒̈ 𝑑ℎ𝑒 𝑡𝑟𝑎𝑢𝑚𝑎𝑡𝑜𝑙𝑜𝑔𝑗𝑖𝑛𝑒̈, 𝑚𝑗𝑒𝑘𝑒̈𝑠𝑖𝑛𝑒̈ 𝑖𝑛𝑡𝑒𝑟𝑛𝑒, 𝑚𝑗𝑒𝑘𝑒̈𝑠𝑖𝑛𝑒̈ 𝑒 𝑝𝑒̈𝑟𝑔𝑗𝑖𝑡ℎ𝑠ℎ𝑚𝑒, 𝑛𝑒𝑜𝑛𝑎𝑡𝑜𝑙𝑜𝑔𝑗𝑖𝑛𝑒̈, 𝑟𝑒𝑢𝑚𝑎𝑡𝑜𝑙𝑜𝑔𝑗𝑖𝑛𝑒̈, 𝑟𝑒𝑝𝑎𝑟𝑡𝑖𝑛 𝑝𝑒̈𝑟 𝑘𝑢𝑗𝑑𝑒𝑠 𝑖𝑛𝑡𝑒𝑛𝑠𝑖𝑣, 𝑢𝑟𝑜𝑙𝑜𝑔𝑗𝑖𝑛𝑒̈, 𝑙𝑎𝑏𝑜𝑟𝑎𝑡𝑜𝑟𝑖𝑛 𝑏𝑖𝑜𝑘𝑖𝑚𝑖𝑘, 𝑛𝑒𝑢𝑟𝑜𝑙𝑜𝑔𝑗𝑖𝑛𝑒̈, 𝑑ℎ𝑒 𝑠ℎ𝑢𝑚𝑒̈ 𝑟𝑒𝑝𝑎𝑟𝑡𝑒 𝑡𝑗𝑒𝑟𝑎 𝑚𝑗𝑒𝑘𝑒̈𝑠𝑜𝑟𝑒.
Ndërsa nuk keni mundur të jeni kaq i suksesshëm në sektorin publik ku Lista e pritjes për operacione është rritur.
A mund ta bëni publike numrin e operacioneve të kryera në 3 deri 5 vitet e fundit në sektorin publik dhe të na tregoni pse ka rënie të operacioneve në vitet e fundit, e arsyetojmë vitin 2020 dhe 2021, por pse me pasë rënie te operacioneve në vitin 2022 në sektorin publik.
