Anëtari i zgjedhur i Bordit të Trepçës, Muharrem Peci, kishte punësuar vajzën në KRU “Mitrovica” kur ishte zëvendëskryeshef i kësaj kompanie

Qeveria Kurti ka emëruar Bordin e ri të gjigandit metalurgjik të Kosovës “Trepça” pasi bordit të përkohshëm i kishte skaduar mandati, raporton Gazeta Online Veriu.info.

Kryesues i këtij bordi do të jetë Bahri Hyseni kurse anëtarë Muharrem Peci, Ibrahim Krasniqi, Bujar Bilalli dhe Xhevdet Tahiri.

Muharrem Peci para se të marrë këtë pozitë më parë kishte shërbyer si zëvendëskryeshef i KRU “Mitrovica” ku mbahet mend për megaskandalin e shkaktuar në vitin 2017 kur e punësoi vajzën e tij në kompaninë të cilën e menaxhonte.

Veriu.info kishte raportuar ekskluzivisht në atë kohë për këtë skandal ku zëvendëskryeshefi punëson vajzën e tij në kompaninë ku punon, duke eliminuar kandidatët tjerë.

Arta Peci Ujkani, vajza e Muharrem Pecit kishte siguriar pozitë të lartë në KRU Mitrovica.

Skandalet e tilla nuk e kanë penguar Qeverinë Kurti që të zgjedh Muharrem Pecin anëtar bordi në Trepçë.

Përveç Pecit, Veriu.info ka raportuar edhe për anëtarët tjerë të Bordit.

Bujar Bilalli kishte qenë kandidat i Lëvizjes Vetëvendosje për asamblist në Mitrovicë në zgjedhjet lokale 2013, Bahri Hyseni ishte dënuar nga Inspektorati i Punës për rastin e shkarkimit të kryeshefit të Trepçës Basri Ibrahimi, kurse Xhevdet Tahiri është djali i axhës së Avni Tahirit anëtar i listës Guxo, ndërsa Ibrahim Krasniqi njihet për skandalin ku akuzohej se shkoi me studenten e tij në motel./VERIU.INFO/

Edhe “Guxo” merr “hise” në Trepçë: Djali i axhës së ish kandidatit për asamble në Mitrovicë zgjedhet anëtar i Bordit të ri

Premtoi çkapjen e bordeve, por Kurti emëron në Bordin e Trepçës ish kandidatin e VV-së për Asamble Komunale në Mitrovicë (Emri dhe Mbiemri)