Pasditen e sotme ka ndodhur një ngjarje tragjike në një pikë karburanti në fshatin Babush të Ferizajt.
Një person ka vdekur pasi ai ishte brenda veturës që u përfshi nga flakët në pikën e karburantit “Patroni”
Ndonëse rastin e ka konfirmuar Policia e Kosovës, nga kjo pompë për Gazetën Insajderi thanë se janë duke shikuar shkaqet e këtij aksidenti.
“Deri me tani nuk dimë asgjë. Po presim nga policia të marrim informacione”, thanë shkurtë punëtorë të “Patronit”.
Gazeta Insajderi ka siguruar edhe pamje nga momentin kur përfshihet nga flakët një veturë në një pompe e brenda se cilës ndodhet një person i cili tashmë sipas Policisë së Kosovës ka ndërruar jetë.
Policia e Kosovës e ka konfirmuar rastin dhe thotë se edhe një tjetër person ka mbetur i lënduar.
“Sot, rreth orës 17:40 Policia Rajonale e Ferizajt ka pranuar një informacion se në rrugën magjistrale Ferizaj -Prishtinë , në hapësirën e një pike karburanti në fshatin Babush, një automjet i udhetareve me targa vendore është perfshirë nga flaka . Për pasoje një person ka hunbur jetën që ishte në automjet . Ndërsa një person tjetër që ishte në marketin e kësaj pike karburanti ka marr lëndime trupore dhe është dërguar në Prishtinë për trajtim mjekesorë.Të gjitha njësitet e nevojshme janë në vendin e ngjarjes. Policia në koordinim me Prokurorinë Themelore të Ferizajt i ka nisur hetimet. Për informata shtesë do të informoheni me kohë!“
