Marrëveshjen e mirëpresim, palët të fillojnë zbatimin e detyrimeve sa më parë të jetë e mundur, ka thënë Zëdhënësja e Këshillit të Sigurisë Kombëtare të Shteteve të Bashkuara të Amerikës, Adrienne Watson, shkruan Insajderi.
Përmes një cicërime në Twitter, Watson përgëzoi palët për pajtimin e djeshëm rreth Aneksit të Zbatimit të Marrëveshjes Bazë për normalizimin e marrëdhënieve Kosovë-Serbi.
“Ne mirëpresim marrëveshjen e lehtësuar nga BE-ja dhe të mbështetur nga SHBA-ja për normalizimin e marrëdhënieve ndërmjet Kosovës dhe Serbisë, dhe u bëjmë thirrje të dyja palëve që të fillojnë zbatimin e detyrimeve të tyre sa më shpejt të jetë e mundur”, ka thënë zëdhënësja. /
