Kryetari i Lidhjes Demokratike të Kosovës, Lumir Abdixhiku është përplasur ashpër sot në Kuvend me kryeministrin e Kosovës, Albin Kurtin sa i përket marrëveshjes së arritur në Ohër dhe negociatave me Serbinë.
Gjithë përplasja ka filluar pas fjalëve të Abdixhikut dhe kritikave për ndryshim të qëndrimeve të Kurtit sa i përket procesit të dialogut me Serbinë.
Abdixhiku i ka thënë Kurtit se “nëse do ta shikojë veten në pasqyrë, a do ta puthje apo do ta pështyje”.
Për këtë ka reaguar Kurti i cili ka thënë se nuk e shikon fare veten në pasqyrë, derisa ka ngacmuar Abdixhikun duke i thënë se nga ajo çfarë ka dëgjuar nga kolegët “ata thonë se e dinë së çfarë bën ky” para pasqyrës.
Pas kësaj e ka marrë përsëri fjalën Abdixhiku duke i thënë Kurtit se s’mund ta nxjerr nga kontrolli.
Ndërkohë për punën e pasqyrës, Abdixhiku i ka thënë se vetë kur shikohet në pasqyrë s’e ka barrën që kanë vdekur njerëz për kauzën personale politike.
“Unë nuk e kam barrën që kanë vdekur njerëz për kauzën time politike. Nuk e kam barrën që e kanë kallë një Kosovë të tërë. Nuk e kam barrën për ndonjë kauzë që e kam shkelë. Nuk e kam barrën që i kam quajtur njerëzit tradhtarë dhe që i kam rrezikuar jetën e tyre. Nuk e kam barrën që i kam hangër të gjitha qershiat një nga një. Nuk e kam barrën që e kam rrezikuar vendin dhe të ardhmen e vendit për shumë vite. Unë jam shumë i qetë në këtë drejtim por, pse ti duhesh ta ballafaqosh vetën e të kaluarën tënde, kjo është brengë për ty se si e ballafaqon vetën dhe kauzën tënde me këtë përfundim të padinjitetshëm të pozicionit politik. Tani, dëgjo mirë se po duhet të kalojnë dhjetë vite për të kuptuar se obligimet ndërkombëtare janë obligime shtetare. Dëgjo mirë se, vetëmeanxhimi i komunitetit serb, sipas instrumenteve të BE-së është vetëmenaxhim sipas kartës për vëtqeverisej lokale është autonomi, dhe statusi politik për Kishën Ortodokse Serbe është status politik. Këto janë brengat Albin Kurti, dhe jo ofendimet që i bën ndaj meje, sepse ato nuk kanë fare rëndësi. Koha kur VV ka pasur dorë në LDK ka vdekë, andaj brengosu pak për rrethin tënd në subjektin tënd se cfarë po mendojnë, se ndoshta të përsëriten edhe një herë zgjedhjet lokale dhe nëntë komunat që i kemi sot, me të cilat të përshëndesim”, ka deklaruar Abdixhiku.
