Një tjetër dhimbje koke për Neymar: rikuperimi nga një dëmtim që do ta mbajë jashtë fushës deri në fund të sezonit, por tashmë sulmuesi brazilian i Paris Saint-Germain po hetohet edhe nga Autoriteti Kombëtar i Lojërave në Francë.
Në pyetje janë dyshimet se Neymar e promovoi lojën e kazinos në internet, një praktikë që konsiderohet e paligjshme në tokën franceze. Hetimi filloi, sipas RMC Sport, pas publikimit të një videoje ku reprezentuesi brazilian qan me sa duket pasi humbi 1 milion euro në një lojë pokeri në internet.
Autoritetet duan të zbulojnë nëse Neymar ishte në vend gjatë regjistrimit të kësaj videoje ku ai shfaqet i lidhur me një platformë lojrash online që nuk ka licencë për të operuar në Francë. Në favor të sulmuesit është fakti se ai nuk flet frëngjisht dhe se nuk i drejtohet asnjëherë publikut në vend, por që në rast se dëshmohet fajësia e tij, atëherë ai mund të marrë një dënim të konsiderueshëm.
