Një email, i cili është shpërndarë në redaksi të ndryshme televizive dhe të medias online, përfshirë edhe Klan Kosovën, ku flitej për dorëheqjen e Prindon Sadriut nga të gjitha funksionet e pozitave të tij, doli të jetë i pasaktë.
Brenda e-mailit ”pri……@australiamail.com” thuhej se ai do ta mbante vetëm pozitën e tij brenda Forcës së Sigurisë së Kosovës.
Por, Klankosova.tv, pa e verifikuar një lajm të tillë, nuk e publikoi për lexuesit.
Derisa Ministria e Punëve të Jashtme dhe Diasporës konfirmoi për Klankosova.tv se Prindon Sadriu nuk ka dhënë asnjëherë dorëheqje nga pozitat e tij brenda kësaj ministrie.
Megjithatë si u arrit që mediat tjera të bien pre e një dezinformate të tillë?
Njohësi i sigurisë kibernetike Valon Kerolli, për Klankosova.tv, u shpreh se këto raste janë të shpeshta, megjithatë çdoherë duhet verifikuar lajmin në shumë burime, kjo pasi adresa elektronike, nga e cila ka ardhur një raportim i tillë, nuk ekziston fare si email.
Siç thotë ai, mosekzistenca e saj konfirmohet me sqarimin në fotografinë si vijon:
Gjithashtu, ai ka treguar se ky domain, nga i cili është dërguar emaili, nuk është australian, ashtu siç figuron, pra, “australiamail.com”.
E vërteta qëndron se ajo vjen nga domani “gmx.com”, siç shihet edhe në fotografinë më poshtë.
Kerolli madje dha edhe disa këshilla për të mos rënë pre e e-mailave false, siç ishte rasti i sotëm për dorëheqjen e Prindon Sadriut:
- Asnjëherë dorëheqja zyrtare nuk bëhet nga një email privat.
2. As emaili [email protected] e as emaili [email protected] nuk ekzistojnë. Kjo është shumë lehtë e vërtetueshme, mjafton të provoni të dërgoni një tekst email te këto email adresa.
3. Nëse keni IT në median tuaj, kërkoni ndihmën e tij dhe te detajet e emailit mund të shihni informacione se prej çfarë domain apo IP adrese ka ardhur. E që në rastin konkret me Prindon Sadriun, IP nuk ka lidhje me Australi, e as me domainin “australiamail”, por me kompaninë e Hostimit 1&1.
