Aleanca për Ardhmërinë e Kosovës udhëheq me komunën e Gjakovës prej vitit 2007, përveç periudhës 2013-2017 kur kryetare ishte Mimoza Kusari Lila e AKR-së.
Nga viti 2007 deri 2013, për dy mandate, kryetar i komunës ishte Pal Lekaj i AAK-së, ndërsa nga viti 2017 e deri sot kryetar është Ardian Gjini, edhe ai nga kjo parti, raporton Veriu.info
Mirëpo, rivaliteti brenda-partiak mes Ardian Gjinit dhe Pal Lekaj për gjatë gjithë këtyre viteve ka qenë një ‘sekret publik’.
Ata nuk kanë raporte të afërta mes vete, madje në zgjedhjet e vitit 2021 kishte pasur raportime se Pal Lekaj kishte mbështetur PShDK-në në zgjedhje lokale, po që ai e kishte mohuar një gjë të tillë. (https://www.gazetaexpress.com/reagon-pal-lekaj-nuk-kam-punuar-kunder-aakse/)
Sot, kryetari i AAK-së, Ramush Haradinaj ka publikuar listën e kandidatëve për kryetar të komune, ku prapë AAK nuk e ka kandiduar Pal Lekaj, por ka vendosur ta rikandidoj kryetarin aktual, Ardian Gjini për kryetar komune.
Burime të Veriu.info nga AAK bëjnë të ditur se Ardian Gjini nga do ta ketë mbështetjen e njerëzve të afërt të Pal Lekaj, të cilët pritet ta sabotojnë në zgjedhjet e tetorit.
