Kryetari i Partisë Demokratike të Kosovës, Memli Krasniqi, ka pritur sot në takim Dame Karen Pierce, të Dërguarën e Posaçme të Mbretërisë së Bashkuar për Ballkanin Perëndimor.
Gjatë takimit u diskutua për zhvillimet aktuale politike në vend dhe rajon, me theks të veçantë në krizën institucionale në Kosovë dhe domosdoshmërinë e respektimit të Kushtetutës si rrugë për zgjidhje, tha Krasniqi.
Postimi i plotë:
Sot, pata kënaqësinë të pres në takim Dame Karen Pierce, të Dërguarën e Posaçme të Mbretërisë së Bashkuar për Ballkanin Perëndimor.
Diskutuam për zhvillimet aktuale në Kosovë dhe në rajon, me fokus të veçantë në krizën institucionale që po e dëmton vendin, si në planin e brendshëm, ashtu edhe në atë ndërkombëtar. E njoftova me qëndrimet dhe përkushtimin e Partisë Demokratike të Kosovës për t’i dhënë zgjidhje kësaj situate, përmes respektimit të Kushtetutës.
Falënderova ambasadoren Pierce për mbështetjen e vazhdueshme të Mbretërisë së Bashkuar ndaj Kosovës në të gjitha etapat shtetformuese, nga liria dhe pavarësia, e deri tek aspiratat tona euroatlantike.
Diskutuam gjithashtu për procesin e dialogut Kosovë – Serbi dhe nevojën për një marrëveshje përfundimtare me njohjen reciproke në qendër, si kusht për paqe të qëndrueshme dhe integrim të plotë të rajonit.
Përherë mirënjohës për partneritetin e fuqishëm me Mbretërinë e Bashkuar.
