Në media sot është raportuar se, duke u mbështetur në aktakuzën e Prokurorisë për grupin që kreu agresion në Banjskë, dritaret në vilën e terroristit Radojiçiq te Ujmani i kishte vendosur kompania nga Mitrovica e jugut ‘Afri Univerzal’ me pronar Afrim Osmanin.
Por “Afri Universal” nuk është e panjohur për publikun, pasi që mediat vitin e kaluar kishin raportuar se kjo kompani po ndërton një objekt 10 katësh në Mitrovicën e jugut përballë objektit të AKI-së, duke iu dhënë mundësi banorëve që blejnë banesa dhe punëtorëve gjatë punimeve të të shohin në zonën e ndaluar të Inteligjencës.
Ky objekt banesor gjendet përballë objektit të AKI-së në Mitrovicë, ndërsa në anën e djathtë të tij kufizohet me stacionin policor. Veriu.info për shkaqe sigurie ka vendosur të mos publikoj fotografi të objektit.
Në kohën e nisjes së ndërtimit të këtij objekti banesor nga “Afri Universal”, banorët kishin akuzuar këtë kompani se si pasojë e punimeve të tyre ishin dëmtuar shtëpitë e tyre përreth zonës. Në mesin e personave ankues, ishte edhe analisti Nexhmendin Spahiu.
