Psikologu kosovar Visar Sadiku nga ngritur një shqetësim që prek secilin prind në Kosovë.
Ai ka alarmuar për pesë lojëra që ndodhen në telefonat celular të fëmijëve dhe të cilat ata i luajnë vazhdimisht.
Këto lojëra sipas tij po e ulin ndjeshmërinë e fëmijëve ndaj dhunës në jetën reale dhe rrit impulsin e tyte për të reaguar në mënyrë agresive.
“A jeni të vetëdijshëm se çfarë lojërash po luan fëmija juaj?”, pyet Sadiku i cili ka përmendur me emra këto lojëra që po shkatërrojnë fëmijërinë e fëmijëve në Kosovë dhe përtej.
Ky është statusi i plotë i tij:
Sot, shumë fëmijë kalojnë orë të tëra duke luajtur lojëra me dhunë ekstreme, pa asnjë kufizim apo kontroll nga prindërit. Lojëra si:
❌ PUBG – Lojë ku mbijetesa varet nga eliminimi i kundërshtarëve me armë zjarri.
❌ Call of Duty – Luftëra të simuluara me skena të rënda dhune dhe gjakderdhjeje.
❌ GTA (Grand Theft Auto) – Përmban krime, dhunë, grabitje dhe sjellje antisociale.
❌ Roblox (lojërat me armë dhe gjak) – Disa mini-lojëra brenda Roblox promovojnë dhunën dhe sjelljet agresive.
❌ Fortnite – Pavarësisht stilit vizual të lehtë, ka përdorim të shpeshtë të armëve dhe eliminime të dhunshme.
🚨 Çfarë ndodh kur fëmijët ekspozohen vazhdimisht ndaj këtyre lojërave?
⚠️ Ulet ndjeshmëria ndaj dhunës në jetën reale.
⚠️ Rritet impulsi për të reaguar agresivisht.
⚠️ Vështirësohet aftësia për të menaxhuar emocionet.
Prindër, është koha të pyesni veten:
A po kontrolloni se çfarë po ndikon në mendjen dhe sjelljen e fëmijës suaj?
✅ Vendosni kufij për lojërat me përmbajtje të dhunshme.
✅ Bisedoni me fëmijët për dallimin mes lojërave dhe realitetit.
✅ Ofroni alternativa më të shëndetshme si sporti, librat dhe aktivitetet kreative.
👨👩👧👦 Prindërimi nuk është vetëm t’u sigurojmë fëmijëve ushqim dhe veshje, por edhe të mbrojmë mendjen dhe zemrën e tyre!
