Ai në emisionin “Podcast me Shkëlzen Dakaj”, ka thën se Haxhiu do të e thyej edhe një rekord tentimi për të u bërë kryeparlamentare, por që sipas tij, ajo nuk do të arrijë që të e marrë atë post.
“Ai nuk e ka shumicën parlamentare, ani kur po i nij kjo argumente që Albulena ka marrë kaq shumë vota, më fal po këtu ka rregulla apo kupton, edhe Hillary Clinton i ka fitu zgjedhjet në votë të përgjithshme të SHBA-së, por pozicioni i PDK-së është shumë i qartë, jo 11 herë jo 100 herë por 1 mijë herë me ardh Albulena Haxhiu nuk kalon, është një rast ku një person bëhet kryeparlamentar mbas 318 tentimeve, Albulena mundet me e thy këtë rekord GUINNESS, edhe botëror por kryeparlamentre nuk ka me u ba”, ka deklaruar Behrami.
Ndryshe Behrami ka komentuar edhe reagimin e LVV-së, pas propozimit për takime nga kryetari i Lidhjes Demokratike të Kosovës, Lumir Abdixhikut ku nga VV-ja thanë që është shkelje kushtetuese.
Deputeti i PDK-së, për këtë çështje tha se partia e cila ka më së shumti shkelje të Kushtetueses tashmë ‘kinse’, po brengoset për shkeljen e ligjit.
Gjithashtu Behrami ka komentuar edhe “cirkun”, në Kuvend, ku sipas tij kryesuesi Avni Dehari nuk po e përcjell skriptën e seancës të Kuvendit por skriptën e Dejona Mihalit.
“Partia që e ka shkel kushtetutën nja 12 herë po pritet me i shkel edhe do ligje nga 12 herë të tjera po brengoset për shkelje kushtetuese, dmth në qatë pikë jemi ardh ku Lëvizja Vetëvendosje sot e mbronë kushtetuesen, kta të VV-së, më shumë po e promovojnë Hashim Thaçin në kohën e fundit edhe kushtetuetën edhe ligjet, tu u munu me i mbrojte pozicionet e tyre politike, nuk i beson ma kurrkush, kushtetuta edhe Lëvizja Vetëvendosje, janë antipod janë planete të ndamë, edhe nuk i beson askush, ata duhet me pranu rezultatin e zgjedhjeve, me pranu që në këto zgjedhje kanë dal të parët, Albin Kurti ka hy në një kurs intensiv për demokracinë, hyrjen në demokracinë, parlamentarizëm, dialog, kompromis, nuk ka rrugë, ai mundet me blloku, nesër ka me ardh garant me një propozim që e ka zi Dejona në ato paradhomat e LVV-së, e ku janë tu e mar në qafë të ngratin Avni Deharin, nesër ka me ardh po e marrin skriptin e Kuvendit po e shtyjnë ma anej edhe po e marrin skriptin e Dejonës, bile pse spo vjen Dejona me u ul qaty krejt”, ka thënë Behrami.
