Federata e Futbollit e Kosovës (FFK) është duke mbajtur sonte ceremoninë “Lauratët 2023”.
Në këtë ceremoni është ndarë edhe çmimi “Fadil Vokrri”, që i takon futbollistit me arriturat më të mira me ekip dhe kombëtare.
Ky çmim u fitua nga kapiteni i Kosovës, Amir Rrahmani.
Kujtojmë se Rrahmani këtë vit fitoi titullin e kampionit në Serie A me Napolin.
Me Kosovën nuk arriti që të sigurojë kualifikimin për në “Euro 2024”.
