Një person është arratisur nga Qendra e Paraburgimit në Mitrovicën e Veriut këtë të enjte, më 07 gusht 2025, ka bërë të ditur Policia e Kosovës përmes një njoftimi zyrtar në Facebook.
Sipas njoftimit, menjëherë pas marrjes së informacionit për arratisjen, Policia ka ndërmarrë masa të menjëhershme, duke ngritur pika të shumta statike të kontrollit në të gjithë pjesën veriore të vendit dhe duke kontrolluar intensivisht zonën përreth objektit të paraburgimit.
Po ashtu, është bërë e ditur se aktualisht personi i arratisur ende nuk është kapur, ndërsa për ta lokalizuar atë janë angazhuar edhe njësi të specializuara të Policisë së Kosovës.
“Sot me 07.08.2025 rreth orës 15:45 jemi njoftuar se nga Qendra e Paraburgimit ne Mitrovice Veri një person është arratisur. Policia menjëherë ka marr masat duke ngrit pika statike te kontrollit ne tere veriun e vendit dhe duke kontrolluar edhe fizikisht zonën për rreth qendrës se Paraburgimit”, thuhet në njoftimin e Policisë së Kosovës.
