Këngëtari i njohur shqiptar, Butrint Imeri, ka publikuar së fundmi një video në TikTok që po bën xhiron e rrjeteve sociale. Në video ai shfaqet së bashku me influenceren shqiptare Melissa M., e cila ka zbuluar disa mesazhe private që ka marrë nga yje të futbollit botëror si Karim Benzema dhe Vinicius Junior.
Melissa M. njihet si vajza e cila e ka refuzuar edhe Benzema edhe Vinicius Jr., mirëpo ajo e pranoi Butrintin.
Në videon e publikuar, vëmendje të madhe ka marrë edhe fragmenti i këngës së re të Butrintit që ai e ka ndarë këtë video. Teksti i këngës, me ritëm veror dhe melodi tërheqëse, është përshëndetur menjëherë nga fansat dhe pritet të kthehet në një tjetër hit nga artisti që prej vitesh dominon skenën muzikore shqiptare.
Me një karrierë të konsoliduar, miliona ndjekës në rrjete sociale dhe një sërë hitesh të padiskutueshme, Butrint Imeri vazhdon të mbetet një nga emrat më të pëlqyer dhe më të komentuar në industrinë e muzikës moderne shqiptare.
