Asambleistja e VV-së në Kuvendin Komunal të Prizrenit, Nazife Kokollari, ka zyrtarizuar kalimin e saj në Aleancën për Ardhmërinë e Kosovës (AAK).
Në një postim në profilin e saj në “Facebook”, Kokollari ka theksuar se ky vendim është marrë me vullnet të plotë dhe me besim të madh në të ardhmen.
Ajo ka shprehur se AAK është shtëpia politike e vlerave për të cilat ajo beson, siç janë liria, drejtësia, zhvillimi ekonomik dhe ruajtja e dinjitetit të qytetarëve.
“Me vullnet të plotë dhe besim në të ardhmen, sot kam marrë vendimin që t’i bashkohem Aleancës për Ardhmërinë e Kosovës (AAK). Ky hap është shprehje e përkushtimit tim për t’u angazhuar edhe më shumë në shërbim të komunitetit dhe të vendit tonë të dashur”, ka shkruar Kokollari.
