Deputetja e Lidhjes Demokratike të Kosovës, Hykmete Bajrami, i ka reaguar kryeparlamentarit Glauk Konjufca, që u shpreh se Lëvizja Vetëvendosje do t’i afrohet LDK-së për diskutime me “gjuhë të bashkëpunimit”.
Bajrami ia ka kujtuar fyerjet e kandidatit të VV-së për kryeministër, Albin Kurti, që në ditën pas zgjedhjeve opozitarët i quajti “hajvanë”.
“Konjufca, i pyetur nga gazetarët për fjalët “hajvanë” dhe “hajvanat”, u justifikua se ishte “gjuhë fushate”. Tha: “Normal, qohesh një mëngjes, e sheh që s’i ke numrat, dhe e ndryshon qasje.” Por Konjufca ”harroi” që termat “hajvan” dhe “hajvanat” janë përdorur pasi janë shpallur rezultatet preliminare, pra në dritën e numrave, edhepse këta terma janë të papranueshëm kurdo që thuhen. Qasjen, Albin Kurti e ka ndryshuar vetëm kur e kuptoi që nuk i del matematika pa votën e Adem Hoxhës, alias Listës Serbe. Hipokrizi në maksimum”, ka shkruar ajo në Facebook.
