Shkruan: Lorik Lipoveci
Në marrëdhëniet ndërkombëtare, dekadave të fundit është pranuar edhe një element konstituiv i shtetit, e ai është aftësia e një entiteti apo shteti për të hyrë në marrëdhënie me jashtë. Kjo nënkupton në rend të parë marrëdhënie diplomatike, tregtare, ushtarake.
Republika e Kosovës si shtet i ri, pa ulëse në OKB, e pa anëtarsuar në BE dhe NATO, e ka të domosdoshëm bashkëpunimin me aleatë strategjik si SHBA -ja. Sot koncepti i sovranitetit të plotë nuk mund të realizohet as nga shtetet me qindra milionë banorë me ekonomi e ushtri të zhvilluar! Sot sovraniteti është i kufizuar e i ndërvarur dhe çdo shtet ka aleanca strategjike të veta!
Kosova është shtet me 1.6 milion banorë, e kufizuar me tri shtete sllave, me kapacitete të limituara ushtarake, e limituar në prodhim e industri, me mungesë të rezervave natyrore të gatshme për përpunim e përdorim të gjërë në rast krize!
Kosova nuk ka as lëndë të parë për industri të lehtë! Kosova edhe në bujqësi e blegtori nuk mund ta furnizojë vetveten! Kosova nuk ka industri ushtarake e farmaceutike! Kosova nuk ka rrjet të zhvilluar të strehimoreve publike në rast krize! Në situatat gjeopolitike të kësaj kohe, Kosova duhet të ketë strategji të qartë të saj me orientim Euro -Atlantik, takt diplomatik, qetësi politike, gjuhë përafruese me aleatë, diplomatë e politikanë profesionistë për zhvillim të marrëdhënieve politike e ushtarake me aleatë e shtete të jashtme!
Çdo tendencë për popullizëm e largim nga aleanca Euro -Atlantike do të ketë pasoja afatgjate.
Lorik Lipoveci
