Përgatitjet për edicionin e pestë të “Big Brother VIP Kosova” kanë nisur, ndërsa ekipi i produksionit po punon në përzgjedhjen e banorëve që do të bëhen pjesë e sezonit të ri.
Moderatori Alaudin Hamiti ka lënë të kuptohet se emrat dhe profilet që po shqyrtohen deri tani premtojnë një kast interesant dhe të larmishëm.
Ndërkohë, së fundmi është zbuluar edhe detaji i parë konkret lidhur me një prej profileve që mund të bëhen pjesë e BBVK 5.
I pyetur nga një ndjekës që të tregonte vetëm një banor ose një karakter që pritet të hyjë këtë sezon në shtëpinë më të famshme në Kosovë, Hamiti u përgjigj shkurt: “Në rregull… zhigolo”.
Pa zbuluar identitetin e personit, moderatori la të kuptohet se një prej profileve të edicionit të pestë do të jetë pikërisht një zhigolo, duke shtuar kuriozitetin për kastin që po përgatitet.
“Big Brother VIP Kosova” është karakterizuar edhe në edicionet e mëparshme nga përzgjedhja e personazheve me histori dhe profile të ndryshme, disa prej të cilëve kanë nxitur debate të shumta në publik.
Formati ka përfshirë ndër vite personazhe nga fusha të ndryshme të jetës publike, por edhe individë me histori personale apo profesionale që më herët shfaqeshin më rrallë në televizionin kosovar.
Edhe BBVK 5 duket se do të vazhdojë të njëjtën qasje, duke synuar një kast me karaktere të forta dhe histori që mund të prodhojnë dinamika të reja brenda shtëpisë.
