Sot, kryetari i PDK-së, Bedri Hamza gjatë një konferencë për media është munduar që fajin për humbjen e rreth 40 minë votave nga votimi i rregullt në krahasim me 28 dhjetorin t’ua faturojë kryetarëve të komunave që vijnë nga PDK, raporton Veriu.info.
“Nëse e shikojmë me kujdes rezultatin zgjedhor, del që në katër komuna del që humbja ka qenë më e madhe, edhe për më keq në këto katër komuna PDK qeverisë në nivel lokal. Vota më së shumti kemi humbur në Skenderaj, Drenas, Prizren e Ferizaj“, ka thënë Hamza në konferencë për media.
Mirëpi, Hamza ka anashkaluar faktin se rënie drastike të votave PDK-ja ka pasur edhe në fshatin e tij të lindjes, që është Klina e Epërme e Skenderajt.
Nga 1 mijë 178 vota sa PDK kishte nga votimi i rregullt në këtë fshat më 28 dhjetor, dje ka marrë vetëm 876 vota, që i bie se ka humbur 25.6% të votave.
Ndryshe, para disa ditësh në një kronikë për Ditën e Bajramit, Hamza kishte thënë se është i lidhur me fshatin e tij dhe punon çdo pëllëmb toke.
