Telekomi i Kosovës e ka pranuar se ka nënshkruar kontrata të negociuara në vlerë prej rreth 40 milionë eurove.
Në një koment, ushtruesi i detyrës së zyrtarit kryesor financiar të Telekomit, Feim Kelmendi, pranon se, si pjesë e menaxhmentit ku punon, kanë nënshkruar kontrata të negociuara në vlerë rreth 40 milionë euro.
Po ashtu, ai bën të ditur se janë duke u hetuar nga Prokuroria.
Madje, ai përdor gjuhë denigruese, për të cilin nuk është hera e parë që ofendon dikë.
“Une te foli me fakte jo sikur ti me dokrra, unë po të thom shul shqip, kompania ku unë jam pjesë e menaxhmentit ka nënshkruar kontrata me procedurë të negociuar rreth 40 milionë euro, le të del një bir k*rve le të thotë që ka pasur korrupsion”, ka shkruar ai.
“Për kuriozitetin tënd, prokuroria tu i ngu budalltë sikur çifti yt, i kanë marrë në hetim të gjitha këto kontrata që tri vite, mirëpo sot e atë ditë s’ju ka ndi zani më”, ka shkruar më tej Kelmendi.
Një nga kompanitë që ka përfituar nga kontratat e negociuara është edhe Ericsson Nikola Tesla, për të cilën Gazeta Insajderi ka raportuar në vazhdimësi.
Ndërmarrja publike e cila udhëhiqet nga Burbuqe Hana e emëruar nga Kurti, në nëntor të vitit të kaluar kishte dhënë një kontratë me procedurë të negociuar pa publikim të njoftimit të kontratës, në vlerë prej 1.5 milion.
Në shtator të 2025-ës, kjo kompani ishte shpërblyer edhe me një kontratë prej 1,7 milion për disa shërbime teknike të ndërmarrjes publike.
Ata që nga 2022-a e deri më tani kanë përfituar përreth 30 milionë euro nga kontratat me ndërmarrjen publike.
Ericsson Nikola Tesla është pjesë e Ericsson Global, nga Zagrebi i Kroacisë.
Në kohën kur kishte marrë 15 milionë euro kontratë nga Telekomi i Kosovës Gordana Kovaçeviq, presidente e kompanisë “Ericsson Nikola Tesla” kishte theksuar se vazhdimi i partneritetit me Telekomin e Kosovës do të kontribuojë në forcimin e pozitës së kompanisë që ajo udhëheq në treg.
Me 6 dhjetor të vitit 2023, ministrja në detyrë, Artane Rizvanolli kishte dedikuar një postim në “Facebook” për kompaninë Ericsson Nikola Tesla.
Ajo kishte vizituar qendrën R&D të Ericsson Nikola Tesla në Kosovë duke e quajtur qendër të inovacionit.
“Bashkë me Ambasadorin suedez në Kosovë, Jonas Westerlund, vizitova qendrën R&D të Ericsson Nikola Tesla në Kosovë, një qendër e inovacionit dhe dëshmi e sinergjisë mes akademisë dhe industrisë. Partneriteti me Universitetin e Prishtinës dhe suksesi i Shkollës Verore tregojnë përkushtimin ndaj talenteve lokale, duke ndikuar në punësimin e të rinjve.
