Përparim Rama ka thënë se është i gatshëm për bashkëpunim me organet e drejtësisë pas dyshimeve se shefi i kabinetit, Florent Maliqi mund të jetë i implikuar në disa biseda në Snapchat.
Rama i është përgjigjur Vetëvendosjes duke thënë se tash duhet ta udhëzojnë Kurtin që t’i përgjigjet prokurorisë.
“E para, po m’vjen mirë që më në fund po i drejtoheni prokurorisë. Është lajm i mirë. Tash udhëzojeni edhe kryeministrin t’i përgjigjet prokurorisë, sepse ka më shumë se dy vjet që nuk i përgjigjet ftesës për intervistim. E dyta, dyert e kryeqytetit kanë qenë dhe mbeten të hapura për organet e drejtësisë. Garantojmë bashkëpunim të plotë, transparent dhe institucional për çdo kërkesë të prokurorisë, si gjithmonë, padiskutim.
Pas vendimit të prokurorisë, do t’i ndërmarrim pa asnjë hezitim të gjitha veprimet dhe procedurat ligjore ndaj KUJDO që rezulton se ka shkelur ligjin”, shkruan Rama në reagim.
