Bora Zemani dhe Donald Veshaj, një nga çiftet më të përfolura të showbiz-it shqiptar, kanë rikthyer vëmendjen me deklaratat e fundit rreth marrëdhënies së tyre.
Gjatë një interviste televizive, Donaldi ka bërë të ditur se çifti po shqyrton mundësinë e martesës, duke lënë të kuptohet se ceremonia mund të zhvillohet gjatë verës. Ai u shpreh se aktualisht janë në fazën e diskutimeve për organizimin, përfshirë edhe detajet si numri i të ftuarve dhe formati i dasmës.
Aktori theksoi gjithashtu se dëshira për t’u bërë prindër ekziston, por sipas tij, ky hap pritet të vijë pas martesës, si një vazhdim natyral i lidhjes së tyre.
Sipas raportimeve, ceremonia mund të mbahet në jug të Shqipërisë, pranë detit, megjithatë ende nuk ka konfirmim zyrtar për datën apo vendin.
Nga ana tjetër, Bora është treguar më e rezervuar, duke theksuar se jeta e saj private shpesh është objekt spekulimesh. Ajo ka shtuar se, pavarësisht zërave, marrëdhënia me Donaldin mbetet shumë e rëndësishme për të.
