Shumë opinionistësot kundërshtuan protestën e mësimdhënësve për rritje të pagave, duke argumentuar se një pjesë e tyre nuk kanë njohuri elementare për profesionin që e ushtrojnë.
Sikur mos të mjaftonin shumë argumente publike për këtë, sonte edhe mësimdhënësi nga Mitrovica, Bedi Bala, e ka krijuar një argument të ri me një konstatim tërësisht të kot, raporton Veriu.info.
Ai ka thënë se nxënësit e helmuar nga Prishtina që u trajtuan në spitalin e Mitrovicës për shkak të helmimit nga ushqimi, sipas tij, nuk janë helmuar në restorantin e mbyur përkohësisht nga policia dhe inspektorati ku ata ishin ushqyer para simpatomave të helmimit.
Mësimdhënësi Bedri Bala në një koment në rrjetin social Facebook, përveç gabimeve elementare gjuhësore, ai i ka dhënë të drejt vetes të nxjerrë konstatime për shkakun e helmimit akoma pa dalë rezultatet mjekësore.
“Duhet të jemì të kujdesshëm në opinione, nëse nxënësit janë helmuar nga ushqmi i restorantit mitrovicas atëher edhe mitrovicasit që kan ngrën ne restoran duhet të jenë helmuar. Nxënësit mund të jenë helmuar rrugës gjatë udhtimit me autobus nga ndonje qips apo nga ndonje gjë tjeter, plus vapa e sotme. Dikush është i interesuar, ka mision që turizmin dhe ekonomin mitrovicase ta mbaj të pazhvilluar duke bëre skena te tilla kinse helmim etj. Organet e siguris duhet të jenë profesional dhe mos të nguten ta akuzojn restoranin pa e vertetuar qështjen.”, ka shkruar mësimdhënësi Bedri Bala.
Ndryshe, sonte policia dhe inspektorati kanë mbyllur përkohësisht restorantin “Ujëvara” në Mitrovicë deri në daljen e rezultateve të analizave mjekësore, nën dyshimin se aty janë helmuar rreth 20 nxënës nga Prishtina./Veriu.info
