Pamjet e publikuara në mediat sociale tregojnë një goditje të drejtpërdrejtë nga një raketë balistike iraniane në Izraelin qendror.
Shumë goditje të konfirmuara janë regjistruar mesnatën e 15 qershorit në të gjithë Izraelin, përfshirë Tel Aviv-in, pas valës së fundit të sulmeve me raketa balistike iraniane.
Sipas raportimeve paraprake, dhjetëra raketa dhe dronë u lëshuan nga pjesë të ndryshme të Iranit drejt Izraelit.
Sirenat po bien në të gjithë Tel Aviv-in, pjesën më të madhe të Izraelit qendror dhe pjesë të Jerusalemit.
Më parë, IDF-ja tha se kishte identifikuar një breshëri raketash të lëshuar nga Teherani, duke i udhëzuar njerëzit të kërkonin strehim.
Në Tel Aviv dëgjohen alarmet, raporton Emma Graham-Harrison, korrespondentja kryesore e Guardian për Lindjen e Mesme, e cila mund t’i dëgjojë interceptimet.
Dëshmitarët i kanë thënë Reuters se kanë dëgjuar zhurmën e shpërthimeve në Jerusalem.
